ନାମଲେଖା ପ୍ରକ୍ରିୟା
କ) ଉପରୋକ୍ତ ସମସ୍ତ ପାଠ୍ୟକ୍ରମରେ ନାମଲେଖା ପ୍ରକ୍ରିୟା ବିଶ୍ୱବିଦ୍ୟାଳୟ ଦ୍ୱାରା ପ୍ରଣୀତ ନିୟମ ଓ ନିର୍ଦ୍ଦେଶାବଳୀ ଅନୁଯାୟୀ ପରିଚାଳିତ ହେବ।
ଖ) ସମସ୍ତ ସ୍ନାତକୋତ୍ତର ଏବଂ ପି.ଜି. ଡିପ୍ଲୋମା ପାଠ୍ୟକ୍ରମରେ ନାମଲେଖା ପାଇଁ ଆଶାୟୀ ପ୍ରାର୍ଥୀଙ୍କର କ୍ୟାରିୟର ମାର୍କିଂ ଆଧାରରେ ଚୟନ କରାଯିବ। ସେହିପରି ଏମ୍.ଫିଲ୍. ପାଠ୍ୟକ୍ରମ ପାଇଁ ପ୍ରବେଶିକା ପରୀକ୍ଷା ଏବଂ କ୍ୟାରିୟର ମାର୍କିଂର ସମଗ୍ର ପ୍ରଦର୍ଶନକୁ ଭିତ୍ତି କରି ଯୋଗ୍ୟ ପ୍ରାର୍ଥୀ ଚୟନ କରାଯିବ।
ଗ) କୌଣସି ଅପରାଧିକ ପୃଷ୍ଠଭୂମି ଥିବା କିମ୍ବା ଶୃଙ୍ଖଳାଗତ ଆଚରଣ ସନ୍ତୋଷଜନକ ନଥିବା ଛାତ୍ରଛାତ୍ରୀଙ୍କୁ ନାମଲେଖା ପାଇଁ ଯୋଗ୍ୟ ବିବେଚିତ କରାଯିବ ନାହିଁ।
ନାମଲେଖା ପାଇଁ ଯୋଗ୍ୟତା
୧. ଏମ୍.ଭି.ଏ. ଏବଂ ଏମ୍.ପି.ଏ. ପାଠ୍ୟକ୍ରମ ପାଇଁ: ଯେକୌଣସି ପ୍ରାର୍ଥୀ ଯିଏ ଏହି ବିଶ୍ୱବିଦ୍ୟାଳୟ ବା ଅନ୍ୟ କୌଣସି ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ସମୁଦାୟ ୪୫% ମାର୍କ (ଏସ୍.ସି./ଏସ୍.ଟି. ପ୍ରାର୍ଥୀଙ୍କ ପାଇଁ ୪୦%) ସହିତ ସମ୍ପୃକ୍ତ ଯୋଗ୍ୟତା ଡିଗ୍ରୀ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି; ଅର୍ଥାତ୍ ବି.ମ୍ୟୁଜ୍, ବି.ଭି.ଏ କିମ୍ବା ସମକକ୍ଷ ସ୍ନାତକ ଡିଗ୍ରୀ ଯେପରିକି ସଙ୍ଗୀତରେ ବି.ଏ. ହାସଲ କରିଛନ୍ତି, ସେମାନେ ଆବେଦନ କରିପାରିବେ।
୨. ଅନ୍ୟାନ୍ୟ ସ୍ନାତକୋତ୍ତର ଏବଂ ପି.ଜି. ଡିପ୍ଲୋମା ପାଠ୍ୟକ୍ରମ ପାଇଁ: ଯୋଗ୍ୟତା ପରୀକ୍ଷା (ସ୍ନାତକ) ରେ ସମୁଦାୟ ୪୫% ମାର୍କ (ଏସ୍.ସି./ଏସ୍.ଟି. ପ୍ରାର୍ଥୀଙ୍କ ପାଇଁ ୪୦%) ରଖିଥିବା ଆଶାୟୀ ପ୍ରାର୍ଥୀ ଯୋଗ୍ୟ ବିବେଚିତ ହେବେ।
୩. ସାର୍ଟିଫିକେଟ୍ ପାଠ୍ୟକ୍ରମ ପାଇଁ: ଯେକୌଣସି ପ୍ରାର୍ଥୀ ଯିଏ ସର୍ବନିମ୍ନ ନିର୍ଦ୍ଧାରିତ ଯୋଗ୍ୟତା ପରୀକ୍ଷାରେ (+୨ କିମ୍ବା ସମକକ୍ଷ) କେବଳ ଉତ୍ତୀର୍ଣ୍ଣ ହୋଇଛନ୍ତି, ସେମାନେ ଆବେଦନ କରିପାରିବେ।
୪. ଏମ୍.ଫିଲ୍. ପାଠ୍ୟକ୍ରମ ପାଇଁ: ସମ୍ପୃକ୍ତ ବିଷୟରେ ସମୁଦାୟ ୫୫% ମାର୍କ (ଏସ୍.ସି./ଏସ୍.ଟି. ପ୍ରାର୍ଥୀଙ୍କ ପାଇଁ ୫୦%) ସହିତ ଏମ୍.ପି.ଏ., ଏମ୍.ଏ. କିମ୍ବା ଏମ୍.ଭି.ଏ. ଡିଗ୍ରୀ ହାସଲ କରିଥିବା ଆବଶ୍ୟକ।
ସଂରକ୍ଷଣ ଏବଂ ରିହାତି
୧. ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି : ବିଭିନ୍ନ ପାଠ୍ୟକ୍ରମର ମୋଟ ଆସନ ସଂଖ୍ୟାରୁ ୨୦% ଆସନ ସଂରକ୍ଷିତ ରହିବ। ଏହା ମଧ୍ୟରୁ ଅନୁସୂଚିତ ଜନଜାତି ପ୍ରାର୍ଥୀଙ୍କ ପାଇଁ ୧୨% ଏବଂ ଅନୁସୂଚିତ ଜାତି ପ୍ରାର୍ଥୀଙ୍କ ପାଇଁ ୮% ଆସନ ନିର୍ଦ୍ଧାରିତ କରାଯାଇଛି।
ପ୍ରମାଣପତ୍ର ସମ୍ପର୍କିତ ସୂଚନା: ଏହି ସଂରକ୍ଷଣ ବର୍ଗର ସୁବିଧା ପାଇବା ପାଇଁ ଆବେଦନକାରୀଙ୍କୁ ସ୍ଥାନୀୟ ଅଞ୍ଚଳର ତହସିଲଦାର କିମ୍ବା ତାଙ୍କଠାରୁ ଉଚ୍ଚ ପଦସ୍ଥ ଜଣେ ରାଜସ୍ୱ ଅଧିକାରୀଙ୍କ ଦ୍ୱାରା ପ୍ରଦତ୍ତ ବୈଧ ଜାତିଗତ ପ୍ରମାଣପତ୍ର ଦାଖଲ କରିବାକୁ ପଡ଼ିବ।
୨. ଦିବ୍ୟାଙ୍ଗ ବର୍ଗ : ଯେଉଁ ପାଠ୍ୟକ୍ରମଗୁଡ଼ିକରେ ମୋଟ ଆସନ ସଂଖ୍ୟା ୨୪ କିମ୍ବା ତା’ଠାରୁ ଅଧିକ ଥିବ, ସେଠାରେ ଗୋଟିଏ ଆସନ ଭିନ୍ନକ୍ଷମ ପ୍ରାର୍ଥୀଙ୍କ ପାଇଁ ସଂରକ୍ଷିତ ରହିବ।
ପ୍ରମାଣପତ୍ର ସମ୍ପର୍କିତ ସୂଚନା: ଏହି ସଂରକ୍ଷଣର ଲାଭ ଉଠାଇବା ପାଇଁ ପ୍ରାର୍ଥୀଙ୍କର ଅତିକମରେ ୭୫% ଭିନ୍ନକ୍ଷମତା (ଯେପରିକି: ଅସ୍ଥିଶଲ୍ୟ, ବଧିରତା, ମୂକତା କିମ୍ବା ଅନ୍ଧତ୍ୱ) ଥିବା ଆବଶ୍ୟକ ଏବଂ ଏଥିପାଇଁ ସକ୍ଷମ କର୍ତ୍ତୃପକ୍ଷଙ୍କ ଦ୍ୱାରା ଜାରି କରାଯାଇଥିବା ସାର୍ଟିଫିକେଟ୍ ଦାଖଲ କରିବା ବାଧ୍ୟତାମୂଳକ।)
କ୍ରୀଡ଼ାଭିତ୍ତିକ ସଂରକ୍ଷଣ ଓ ଅଗ୍ରାଧିକାର
କ) ସିଧାସଳଖ ଆସନ ସଂରକ୍ଷଣ: ଯେଉଁ ପାଠ୍ୟକ୍ରମଗୁଡ଼ିକରେ ମୋଟ ଆସନ ସଂଖ୍ୟା ୨୪ କିମ୍ବା ତା’ଠାରୁ ଅଧିକ ଥିବ, ସେଠାରେ ଗୋଟିଏ ଆସନ ଯୋଗ୍ୟ କ୍ରୀଡ଼ାବିତ୍ଙ୍କ ପାଇଁ ସଂରକ୍ଷିତ ରହିବ।
ଯୋଗ୍ୟତା ମାପଦଣ୍ଡ: ଆବେଦନକାରୀ ନିଜର ଯୋଗ୍ୟତା ଡିଗ୍ରୀ (ସ୍ନାତକ) ଅଧ୍ୟୟନ ସମୟରେ କୌଣସି କ୍ରୀଡ଼ାରେ ସିନିୟର ନ୍ୟାସନାଲ୍ (ବରିଷ୍ଠ ଜାତୀୟ) କିମ୍ବା ଆନ୍ତର୍ଜାତୀୟ ସ୍ତରର ପ୍ରତିଯୋଗିତାରେ ନିଜ ରାଜ୍ୟ କିମ୍ବା ଭାରତର ପ୍ରତିନିଧିତ୍ୱ କରିଥିବା ଆବଶ୍ୟକ। ନାମଲେଖା ସମୟରେ ଏହି ସମ୍ପର୍କିତ ସମସ୍ତ ମୂଳ ପ୍ରମାଣପତ୍ରର ଯାଞ୍ଚ କରାଯିବ।
ଖ) କ୍ରୀଡ଼ା ୱେଟେଜ୍ : ନିମ୍ନଲିଖିତ ଦୁଇଟି କ୍ଷେତ୍ରରେ ପ୍ରାର୍ଥୀଙ୍କ ଦ୍ୱାରା ହାସଲ କରାଯାଇଥିବା ମୂଳ କ୍ୟାରିୟର ପଏଣ୍ଟ ଉପରେ ଅତିରିକ୍ତ ୧୫% ୱେଟେଜ୍ / ମାର୍କ ପ୍ରଦାନ କରାଯିବ:
କ୍. ଆନ୍ତଃ-ବିଶ୍ୱବିଦ୍ୟାଳୟ ପ୍ରତିଯୋଗିତା: ଯେଉଁ ପ୍ରାର୍ଥୀମାନେ ନିଜର ଯୋଗ୍ୟତା ଡିଗ୍ରୀ ପଢ଼ୁଥିବା ସମୟରେ ମିଳିତ ବିଶ୍ୱବିଦ୍ୟାଳୟ ଦଳର ସଦସ୍ୟ ଭାବରେ ଆନ୍ତଃ-ବିଶ୍ୱବିଦ୍ୟାଳୟ କ୍ରୀଡ଼ା ପ୍ରତିଯୋଗିତାରେ ଅଂଶଗ୍ରହଣ କରିଥିବେ।
ଖ. ସଂରକ୍ଷିତ ଆସନରୁ ବଞ୍ଚିତ ପ୍ରାର୍ଥୀ: ଯେଉଁ ପ୍ରାର୍ଥୀମାନେ ଉପରୋକ୍ତ ନିୟମ ‘କ’ ଅନୁଯାୟୀ (ଜାତୀୟ/ଆନ୍ତର୍ଜାତୀୟ ସ୍ତର) ସମସ୍ତ ଯୋଗ୍ୟତା ରଖିଛନ୍ତି, କିନ୍ତୁ ସୀମିତ ଆସନ କାରଣରୁ ‘ସିଧାସଳଖ କ୍ରୀଡ଼ା କୋଟାରେ ନାମଲେଖାଇବାରୁ ବଞ୍ଚିତ ହୋଇଛନ୍ତି, ସେମାନଙ୍କୁ ମଧ୍ୟ ମେରିଟ୍ ଲିଷ୍ଟ ପ୍ରସ୍ତୁତି ସମୟରେ କ୍ୟାରିୟର ପଏଣ୍ଟର ୧୫% ଅତିରିକ୍ତ ୱେଟେଜ୍ ଦିଆଯିବ।